مزن وزیر عمران خان ءِ کشت ءُُ کشاری شوبگ ءَ ھد ءُُ ابیل آنی در جنگ ءِ واستہ صوبگ آنی وت مہ وتی رابطہ کاری آناں گیش دیمروئی دیگ ءِ پنت ءُُ شون

کسانیں دھکارن آنی آسراتی ءِ پجاری ءَ چہ ھندی تک ءَ کشت ءُُ کشاری ءَ را دیمروئی ، گریبی ءِ ھلاسی ءُُ معاشی جاور ھال آناں گہتر کنگ ءَ کمک رسیت، چار ءُُ تپاسی دیوان ءَ گشتانک

اسلام آباد ۔ 30 اکتوبر (اے پی پی) مزن وزیر عمران خان ءَ کشت ءُُ کشاری شوبگ ءَ ھد ءُُ ابیل آنی در جنگ ءِ واستہ صوبگ آنی وت مہ وتی رابطہ کاری آناں گیش دیمروئی دیگ ءِ پنت ءُُ شون کت ءُُ گوشت کہ کسانیں دھکان آناں آسراتی ءِ پجاری ءَ چہ ھندی تک ءَ کشت ءُُ کشاری پڑ ءَ را دیمروئی رسیت، گریبی ھلاس بیت ءُُ معاشی جاور ھال آنی گہتری ءَ کمک رسیت ۔ کسانیں دھکان آناں توا میں آسراتی ءِ پجاری حکومت ءِ اولی کار آنی تہ ءَ ھوار انت ۔ مزن وزیر ءَ اے گپ کشت ءُُ کشاری پیداوار ھاسیں رنگ ءَ کسانیں دھکار آنی آسراتی ءِ پجاری ءِ ھوالگ ءَ چار ءُُ تپاسی دیوان ءِ سروکی ءَ کنان ءَ کت ۔ دیوان ءِ تہ ءَ بنجاھی وزیر ءِ فوڈ سیکورٹی صاحبزادہ محبوب سلطان، وزیر ءِ ھاٹیگ عمرایوب خان، مشیر ءِ تجارت عبدالرزاق داءود، مزن وزیر ءِ ھاسیں کمکار ندیم بابر، مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، یوسف بیگ مرزا، راجی اسمبلی ءِ باسک اسد عمر ءُُ ایندگر کلانہ ایں اپسرگ آں بھر زوری کت ۔ مزن وزیر ءَ گوشت کہ کسانیں دھکارن آنی آسراتی ءِ پجاری ءَ چہ ھندی تک ءَ کشت ءُُ کشاری ءَ را دیمروئی ، گریبی ءِ ھلاسی ءُُ معاشی جاور ھال آناں گہتر کنگ ءَ کمک رسیت ۔ مزن وزیر ءَ اے موہ ءَ سر ءَ صوبگ آنی وت مہ وتی رابطہ کنگ ءَ را گیش دیمروئی دیگ ءِ پنت ءُُ شونگ کت تانکہ کشت ءُُ کشاری شوبگ ءِ گیشینتگیں ھد ءُُ ابیل آنی در جنگ دل یکیمی جوڑ کنگ بہ بیت ۔