اسلام آباد ۔ 29 اکتوبر (اے پی پی) بنجاہی وزیر گوات بازی غلام سرور خان ءَ گوشت کہ جے یو آئی (ف) ءِ نیمگا چہ حکومت مخالف زہرشانیانی ابید مزن وزیر عمران خان ءِ راھشونی ءِ تہ پاکستان تحریک انصاف ءِ حکومت سوگو ءُُ مھکم انت ۔ جندی ٹی وی چینل ءِ گوما گپ ءُُ تران کنان ءَ بنجاہی وزیر ءَ گوشت کہ پی ٹی آئی مہلوک ءِ جمہوری حق ءَ گوں پج انت ۔ آہاں گوشت کہ اپوزیشن ءِ جمہوری حق انت کہ آں زہرشانی ءَ کن انت ۔ بنجاہی وزیر ءَ گوشت کہ حکومت ءَ حکمت عملی تیار کتگ ءُُ کانود ءِ ھلاپ ورزی ءِ سرا زہرشانی کنوکانی ھلاپ ءَ ترندیں کارروائی کنگ بیہت ۔ آہاں اے سدکی ھم داتگ کہ اگہ مولانا اسلام آباد ءِ تہ پرامن آجوئی مارچ کن ایت تو پی ٹی آئی حکومت آئی کمک کن ایت ۔
