حکومت جمہوری روایت آتا پاسداری ٹی برانز نا حق تس، لٹ و سلہہ غاتا ساڑی گری ٹی غٹ حالیت آتا زمواری مولانا فضل الرحمان آٹے
اسلام آباد ۔ 29 اکتوبر(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ حکومت جمہوری روایت آتا پاسداری ٹی برانز نا حق تس، مولانا فضل الرحمان نا جلوس اٹی سلہہ غاتا ساڑی گری آ گڑتی ءِ، لٹ و سلہہ غاتا ساڑی گری ٹی غٹ حالیت آتا زمواری مولانا فضل الرحمان آٹے ۔ سے شنبے نادے آ تینا اسہ ٹویٹ اسے ٹی اوپارے کہ حکومت جمہوری روایت آتا پاسداری ٹی برانز نا حق تس ۔ مولانا فضل الرحمان نا جلوس اٹی سلہہ غاتا ساڑی گری آ گڑتی ءِ ۔ ڈاکٹر فردوس عاشق اعوان پارے کہ جمہوری جہد نا دعویٰ کروک آتا دوٹی کلاشنکوف نا ساڑی گری نا مطلب انت ءِ ۔ اوپارے کہ لٹ و سلہہ غاتا ساڑی گری ٹی غٹ حالیت آتا زموار ی مولانا فضل الرحمان آٹے ۔ اوپارے کہ اسہ کالعدم تنظیم اسے نا بارکھان اٹی لیویز فورس آ جلہو گیر مننگ نا ترندی اٹ مذمت ءِ کینہ ۔
