اسلام آباد ۔ 29اکتوبر (اے پی پی) قومی احتساب بیورو (نیب ) انا چیئرمین جسٹس (ر) جاوید اقبال نا کماشی ٹی نیب ہیڈ کوارٹرز اٹی اسہ دیوان اس مس ۔ دیوان اٹی نیب انا آپریشن، پراسیکیوشن ، ٹریننگ اینڈ ریسرچ، آگاہی و تدارک و ہیومن ریسورس ڈویژن آن بیدس نیب انا جم اٹنگا کارکڑد آتا جاچ ءِ ہلنگا ۔ دیوان اٹی ڈپٹی چیئرمین نیب، پراسیکیوٹر جنرل اکاءونٹیبلٹی و ڈی جی آپریشن آن بیدس ایلو سینئر آفیسر آک ساڑی ئسر ۔ چیئرمین نیب پارے کہ نیب انا اولیت ملک آن وڈی خوری ءِ چٹفنگ و وڈی خور عنصر آتے انصاف نا کٹہرہ ٹی اتنگ نا ءِ تانکہ اوفتیان قوم انا پلوک آ پیسہ غاتے دوئی کرسا قومی خزانہ ٹی جمع کرفنگے ۔ اوپارے کہ میگا کرپشن نا مقدمہ غاتے ایسر اسکان سرکننگ کن غٹ وسیلہ غاتے کاریم اٹ اتنگ انگ ءِ ۔ نیب تدوک آ 23تُو اٹی قوم انا پلوک آ 71ارب روپئی ءِ ہلنگ آن بیدس 600 وڈی خوری نا ریفرنس احتساب عدالت آتے ٹی دائرکرینے ۔ نیب غاو تا جانچ پڑتال آن ہلیس ریفرنس دائر کننگ اسکان کم و ود 10 تُو انا وخت مقرر کرینے ہراکہ دنیا نا پین اینٹی کرپشن ایجنسی اس مقرر کتنے ۔ اوپارے کہ نیب ’’احتساب غٹ اکن‘‘ نا پالیسی آ سختی اٹ عمل کننگ ءِ ۔ نیب انا سز ا ترفنگ نا جم اٹنگا کچ 70 درسد ءِ ۔ داکان بیدس متبر قومی و جہانی ادارہ غاک نیب انا کارکڑدگی نا ستاءِ کرینو ۔ اوپارے کہ نیب مضاربہ;223;مشارکہ سکینڈل آتے ٹی اوار 44بندغ ءِ دزگیر کرینے ۔ داکان بیدس نیب ہاءوسنگ سوساءٹیز نا زہمی تے ہم اوفتا ارب آ روپئی نا پیسہ غاتے پدی تسنے ۔ اوپارے کہ نیب کانود نا دنگ اٹ سلساہر بندغ نا عزت نفس نا خیال ءِ تخنگ آ باور کیک و نیب انا آفیسر آک ملک آن وڈی خوری نا چٹفنگءِ تینا قومی آ فرض سرپند کیرہ ۔
