ننکانہ صاحب ۔ 28 اکتوبر (اے پی پی) سر وزیر پنجاب سردار عثمان بزدار ءَ گوشت کہ بابا گرونانک یونیورسٹی ءِ ہڈ بوھگ ءَ چہ نہ ایوکا ھندی بلکہ سرج میں دگنیا ءَ نشتگیں سکھ ءَ را پائدگ بیت، پنجاب حکومت ءَ صوبگ ءِ تہ 8نوکیں یونیورسٹی جوڈ کنگ ءِ پیسلہ کتگ ۔ اے ھیالانی درشان آہاں بابا گرونانک یونیورسٹی ءِ بُن ھشت ایر کنگ ءِ مراگش ءَ گوں تران کنانءَ کتگ ات ۔ سر وزیر پنجاپ عثمان بزدار ءَ گوشت کہ بابا گرونانک یونیورسٹی سئے بھراں سرجم بیت ایشی ءِ سرا 6ارب کلدار ھرچ بنت ۔ آہاں گوشت کہ تعلیم تحریک انصاف ءِ حکومت ءِ اولی ایجنڈہ انت ءُُ پنجاپ حکومت ءَ یک سال ءِ گونڈو ءِ وھد ءِ تہ 8یونیورسٹی ءُُ پنچ انسٹی ٹیوٹ ہڈ دیگ ءِ پیسلہ کتگ ۔ عثمان بزدار ءَ گوشت کہ صوبائی بجٹ ءِ تہ یونیورسٹیانی ھاترا 7 ارب کلدار ایر کنگ بوتگ ات ایشاں چہ 21منصوبگانی سرا کار برجاہ انت ۔ آہاں گوشت کہ ڈگار ءِ باروا ریکارڈ سنٹر گوزوکیں سال ءِ آخر ءِ تہ سرجم بنت ۔ حکومت پنجاب ءَ 70 کروڑکلدارءِ مزنیں کلداراقلیتی براتانی ھاترا ایر کتگ ات ۔ آہاں گوشت کہ ننکانہ صاحب ءِ تہ صحت کارڈ بھرءُُ بانگ بوتگ ات ایشاں چہ 28ہزار مردماں را پائدگ بیت ۔ آہاں گوشت کہ ننکانہ صاحب ءِ تہ ڈسٹرکٹ جیل ءُُ ڈسٹرکٹ پولیس لائن ھم جوڈ کنگ بیت ۔
