اسلام آباد ۔ 28اکتوبر(اے پی پی) سینیٹءِ چیئرمین صادق سنجرانی ء ُ راجی اسمبلی ءِ اسپیکر اسد قیصر ءَ الیکشن کمیشن ءِ باسکانی ہوالگءَ گشتگ کہ آئین ء ُ کانودءِ ردءَ ء ُ شورء ُ صلہءَ پد اے جیڑہ گیشء ُ گیوار کنگ بیت ۔ دوشمبے ءِ روچءَ سینیٹ چیئرمین صادق سنجرانی ءَ راجی اسمبلی ءِ اسپیکر اسد قیصر ءَ گوں آئیءِ چیمبر ءَ گندء ُ نندکتگ ۔ راجی اسمبلی سیکرٹریٹ ءِ گشگءِ ردءَ گند ء ُ نندءَ الیکشن کمیشن ءِ باسکانی تقرری کنگءِ ہوالگءَ ھیالء ُ لیکہ ءِ درشانی کنگ بوتگ ۔ گندء ُ نندءَ پد سینیٹ ءِ چیئرمین صادق سنجرانی ءَ حال درءَ گوں گپء ُ تران کتگء ُ گشتگ کہ الیکشن کمیشن ءِ باسکانی ہوالگءَ سئے شمبے ءِ روچءَ یک دیوانے بیت کہ آئیءِ تہءَ کانود ءِ وزیر فروغ نسیم ، مزن گسی کارانی وزیر اعظم سواتی ہم ہوار بیت ، شورء ُ صلہ ءَ پد فیصلہ کنگ بیت ۔ آئیءَ گشتگ کہ الیکشن کمیشن ءِ باسکانی فیصلہ ءَ مزن گس یکجاہ بیتء ُ کنت ۔ اے ہوالگءَ شورء ُ صلہ ءِ ھاترءَ کانودءِ وزیر ء ُ مزن گسی کارانی وزیر ءَ را سئے شمبے ءِ روچءَ بوہوکیں دیوانءَ توار کنگ بوتگ ۔ دیوانءَ اٹارنی جنرل ہم ہوار بیت ۔
