
کوءٹہ ۔ 28 اکتوبر (اے پی پی) صوبائی وزیر داخلہ و پی ڈی ایم اے میر ضیاء لانگو پارینے کہ سمندری طوفان ’’کیار‘‘ اتون مون تننگ کن بلوچستان نا کرکی علاقہ غاتے ٹی ہروڑنا ہلہلئی حالیت آتون مون تننگ کن ہر وخت تیار مریر، صوبائی وزیر داخلہ میر ضیاء لانگو بلوچستان نا کرکی علاقہ غاتے ٹی سمندری طوفان بننگ نا رداٹ پی ڈی ایم اے ءِ ہلہلئی حالیت آتون مون تننگ کن پارت ترسا پارے کہ غٹ کرکی علاقہ غاتے ٹی ریلیف سرکننگ و الس نا رکھ اکن غٹ تر دوئی وسیلہ غاتے کاریم اٹ اتنگے ، تانکہ ہروڑنا ہلہلئی حالیت اٹی الس ءِ گچین ریلیف ملنگ کے ۔ او پی ڈی ایم اے نا غٹ ضلعی آفیسر و کارندہ غاتے پارت کرسا پارے کہ او تینا تعیناتی نا جاگہ غا ساڑی مریر و غٹ علاقہ غاتے ٹی کنوئی آ گڑاتے ٹی غٹ المی آ گڑاتے ساڑی تخر تانکہ ہروڑنا حالیت آتے ٹی الس ءِ زوت آن زوت ریلیف تننگ مرے ۔ صوبائی وزیر داخلہ و پی ڈی ایم اے میرضیاء لانگو مستی پارے کہ دا طوفان آن پاکستان نا کرکی علاقہ براہ راست خطرہ ٹی اف انشاء اللہ ۔ ولے اونا سوب مکران نا کرکی پٹی ٹی 28 اکتوبر آن 30 اکتوبر اسکان پِر تا گمان ءِ ۔ صوبائی وزیر داخلہ میر ضیاء لانگو انتظامیہ نا کارندہ غاتے پارت کرے کہ او 28 اکتوبر آن خلقت ءِ خاص کر ماہی گیر آتے سمندر اٹی ہِننگ کن الیپس تانکہ ہروڑنا حالیت آتیان بچنگے ۔ و داچرجوئی ٹی ہر وڑ احتیاطی تدابیر ہم اختیار کننگے ۔