اسلام آباد ۔ 28اکتوبر (اے پی پی) چین پاکستان اقتصادی راہداری (سی پیک) ڈٹ انا بھرم تا سوب پاکستان آخبت خڑک اٹی توانائی نا بشخ اٹی وتواجہ مریک ۔ سی پیک اتھارٹی نا کمامدارآتارداٹ سی پیک ڈٹ انا اولیکو مرحلہ ٹی 34ارب ڈالر نا خڑچ انا 39 ارلی ہارویسٹ پروجیکٹ آتے ٹی 17 توانائی نا پروجیکٹ اوارو ہرا سی پیک فنڈ آتا 70 درسد ءِ ۔ توانائی نا 19 ارلی ہارویسٹ پروجیکٹ آتیان 10 کول بیسڈ پاور پروجیکٹ اہم اولیت آتے ٹی اوار ءُ و دا کول بیسڈ پاور پروجیکٹ آتا کمک اٹ پاکستان نا نیشنل گریڈ اٹی 4666میگاواٹ و 5000 میگاواٹ بجلی اوار مریک ۔ سی پیک ڈٹ انا توانائی نا دا اہم پروجیکٹ آتے ٹی حبکو پاور پلانٹ ، پورٹ قاسم کول فائرڈ پاور پلانٹ ساہیوال کول فائرڈ پاور پلانٹ ، اینگرو تھر کول فائرڈ پاور پلانٹ ، تھرکول فیلڈ انا بلاک ٹو انا سرفیس مائن، داءود ونڈ فارم ، قائد اعظم سولر، یو ای پی ونڈ فارم، سچل ونڈ فارم و پورٹ قاسم پاور پلانٹ نا مسہ ونڈ فارم اوارءُ ۔
