مولانا فضل الرحمان نا آجوئی مارچ ملک اٹی بے چیٹی و افراتفری تالان کننگ کن ءِ، بنجائی وزیر سائنس و ٹیکنالوجی فواد چودھری نا نجی ٹیلی ویژن چینل تون گپ وتران

اسلام آباد ۔ 28 اکتوبر (اے پی پی) بنجائی وزیر سائنس و ٹیکنالوجی فواد چوہدری پارینے کہ مولانا فضل الرحمان نا آجوئی مارچ ملک اٹی بے چیٹی و افراتفری تالان کننگ کن ءِ ۔ نجی ٹیلی ویژن چینل تون گپ و تران کرسا اوپارے کہ وزیراعظم عمران خان پاکستان نا مافیا غا دوشاغانے، نواز شریف و زرداری خوارہ کہ ملک اٹی بے چیٹی مرے تانکہ اوفتیا ہرا مقدمہ غاک چیلنگ انگ ءُ اوفتیا ن چکار ءِ اسہ کنڈ کننگے ۔ اوپارے کہ دھرنہ ٹی بشخ ہلوک آتون لٹ بردار و اے کے 47راءفل ہم ارے ہرافتا عکس آک چلینگ انگ ءُ ۔ فواد چوہدری پارے کہ مولانا دا پرمان جاری کرینے کہ دھرنہ ٹی ہچ ءُ نیاڑی اس بشخ ہلنگ کپک ہنداخاطران داسیاسی دھرنہ اس آخا بلکن دا شدت پسند آتا مارچ ءِ ۔ بنجائی وزیر سائنس و ٹیکنالوجی پارے کہ پی ٹی آئی نا مستین اٹی دھرنا الیکشن ریفارمز کن ئس وخت اس کہ مولانا فضل الرحمان نا آجوئی مارچ شدت پسند آتا مارچ ءِ ہرا ملک اٹی بے چیٹی و افراتفری تالان کننگ کن ءِ ۔