بابا گرونانک یونیورسٹی ءِ جہانی آب انا یونیورسٹی اس جوڑ کینہ، اعجاز احمد شاہ

ننکانہ صاحب ۔ 28 اکتوبر (اے پی پی) بنجائی وزیر داخلہ اعجاز احمد شاہ پارینے کہ بابا گرونانک یونیورسٹی ءِ جہانی آب انا یونیورسٹی اس جوڑ کینہ، یونیورسٹی ٹی پنجابی و خالصہ زبان ہم خوانفنگک ۔ داخیال آتا درشانی ءِ او دوشنبے نادے آبابا گرونانک یونیورسٹی نا بنداو ی دود آن تران کرسا کرے ۔ وزیر داخلہ پارے کہ بابا گرونانک یونیورسٹی نا جوڑ کننگ تدوک آ 13سال آن ہرے نا گواچی ئس ولے ساڑی دور حکومت اٹی یونیورسٹی نا ڈٹ ءِ حقی دروشم اٹ مون آ بننگ ءِ ۔ اوپارے کہ بابا گرونانک یونیورسٹی ءِ جہانی آب انا یونیورسٹی اس جوڑ کینہ ہراڑے خالصہ و پنجابی زبان ہم خوانفنگک ۔ اعجاز شاہ اومیت ظاہر کرے کہ حکومت ڈٹ انا پوروی ٹی پبی کڑد ادا کیک و ہروڑ کمک فراوان کیک ۔ اوپارے کہ یونیورسٹی نا تفنگ اٹ جندی است خواہی ہلنگ آ وزیراعظم نا منت وار اُن ۔