اسلام آباد۔ 10 فروری (اے پی پی) بنجائی وزیر کانود و انصاف زاہد حامد پارینے کہ بلوچستان نا ینگ لائرز نا ٹریننگ کن انٹرن شپ نا پروگرام زوت بناءکننگک۔ داخیال آتا درشانی ئِ او جمعہ آ بلوچستان ینگ لائرز نا 30 باسکی ڈل اتون تینا دفتراٹی اوڑدہی ٹی ہیت وگپ کرسا کرے۔ بنجائی وزیر کانود پارے کہ ہرا ینگ لائرز بطور کورٹ کلرک خذمت تننگ خوائک اوڑکن سپریم کورٹ و بلوچستان ہائی کورٹ ئِ وزارت کانود نا کنڈآن سفارش آتے گدریفنگک۔ اوپارے کہ بلوچستان نا 29 ضلعی بار ئِ بنجائی حکومت نا کنڈآن فنڈ انا فراوانی ڈٹ ہم زیر غور ئِ۔ زاہد حامد پارے کہ دا بابت کانود اٹی ترمیم کننگ انگ ئِ ہرانا رداٹ صوبائی حکومت آتون اوار اوار بنجائی حکومت ہم ضلعی بار ئِ فنڈ فراوان کننگ نا پابندمریک۔ بلوچستان نا ینگ لائرز بنجائی وزیر کانود آن درخواست کریر کہ اوفتا صوبہ ٹی ڈپٹی ایڈووکیٹ جنرل و ڈسٹرکٹ اٹارنی نا چندی سیٹ آک خورک ئُ اوفتے پُر کننگے۔ ینگ لائرز وزیر کانود ئِ داہم درخواست کرے کہ وزارت خارجہ ٹی وکیل آتا کچ ئِ ودفنگے۔ بنجائی وزیر کانود اوفتے باوری ترفے کہ ینگ وکیل آتا ویل آتے اولیتی بنداو تیا ایسر کننگک۔
