کوءٹہ ۔ 27اکتوبر (اے پی پی) ترجمان حکومت بلوچستان لیاقت شاہوانی پارینے کہ مقبوضہ کشمیر اٹی انسانی حق انا سنگین خلاف ورزیک گڑتی نا سوب ءُ ، بلوچستان نا الس نا است تینا کشمیری ایلم تتون اوار دھڑکک اینو 27 اکتوبر آ بلوچستان نا غٹ ضلع غاتے ٹی یوم یکجہتی کشمیر نا مناسبت اٹ یوم سیاہ اڈتننگا نے و صوبہ نا غٹ چنکا بھلاشار و خلق آتے ٹی یوم یکجہتی …
مقبوضہ کشمیر اٹی انسانی حق انا سنگین خلاف ورزیک گڑتی نا سوب ءُ، ترجمان حکومت بلوچستان لیاقت شاہوانی
گیشتریں ھال
کوءٹہ ۔ 27اکتوبر (اے پی پی) ترجمان حکومت بلوچستان لیاقت شاہوانی پارینے کہ مقبوضہ کشمیر اٹی انسانی حق انا سنگین خلاف ورزیک گڑتی نا سوب ءُ ، بلوچستان نا الس نا است تینا کشمیری ایلم تتون اوار دھڑکک اینو 27 اکتوبر آ بلوچستان نا غٹ ضلع غاتے ٹی یوم یکجہتی کشمیر نا مناسبت اٹ یوم سیاہ اڈتننگا نے و صوبہ نا غٹ چنکا بھلاشار و خلق آتے ٹی یوم یکجہتی کشمیر نا مناسبت اٹ دودو ریلی اڈتننگانے ۔ داخیال آتا درشانی ءِ او یک شنبے نادے آ یوم سیاہ نا دود آن تران کرسا کرے ۔ ترجمان حکومت بلوچستان لیاقت شاہوانی پارے کہ یوم یکجہتی کشمیر نا دود آتے ٹی بلوچستان نا الس کشمیری ایلم و ایڑھ تتون پبی یکجہتی نا درشانی ءِ کریر و ریلی ٹی بشخ ہلوک آتا فلک شگاف نعرہ غاتا توار مودی نا خف تیٹی پِننگ ءِ ۔ اوپارے کہ بلوچستان اٹی ہندوبرادری دیوالی نا دود آک یوم سیاہ نا مناسبت اٹ کشمیری ایلم و ایڑھ تتون یکجہتی نا درشانی کن سادگی اٹ اڈتننگ نا فیصلہ کریر ہرانا غٹ تپہ نا خلقت آک ستاءِ کرینو ۔
