پاکستان تون اوار مچ آ دنیا ٹی 27 اکتوبر ءِ یوم سیاہ نا وڑاٹ اڈتننگ انگ ءِ ، بھارت27 اکتوبر 1947 آ سرینگر اٹی فوج ءِ شیف کریسس، وزیر داخلہ میر ضیاء اللہ لانگو

کوءٹہ ۔ 27 اکتوبر (اے پی پی) وزیر داخلہ میر ضیاء اللہ لانگو پارینے کہ پاکستان تون اوار مچ آ دنیا ٹی 27 اکتوبر ءِ یوم سیاہ نا وڑاٹ اڈتننگ انگ ءِ ، بھارت 27 اکتوبر 1947ء آ سرینگر اٹی فوجی ءِ شیف کریسس ۔ کشمیری تا حق خودارادیت نا 72سالہ جہد ءِ تالان کننگانے، مچ آ دنیا ٹی تنازعہ کشمیر ءِ تالان کننگ کن تنازعہ کشمیر نا سنگینی نا بارواٹی اسہ وار ولدا باور کرفنگک ۔ مودی سرکار نا غیر کانودی گام گیج آتا مذمت ءِ کیوہ ۔ داخیال آتا درشانی ءِ صوبائی وزیر داخلہ میر ضیاء لانگو تینا اسہ کلہو اسے ٹی پارے کہ لکھ آ کشمیری تا انسانی حق ءِ غصب کرسا اوفتے گھٹ کننگانے، خلقت ءِ خور، دوائی و بنداوی گرج و آسراتی دوئی اف ۔ کشمیری تیا برجاظلم آن انسانی المیہ ودی مننگ ءِ ۔ دنیا نا ہر فورم آ پاکستان دا غاصبانہ گام گیج آتا برخلاف ہیت کننگ ءِ ۔ صوبائی وزیر داخلہ میر ضیاء لانگو پارے کہ جہانی برادری آن خواست کیوہ کہ 27 اکتوبر کشمیری تا اوفتا حق خودارادیت تننگ نا وعدہ ءِ پورو کننگے، اقوام متحدہ نا سلامتی کونسل نا قرارداد آتا رداٹ کشمیر نا ویل انا ایسر اس کشنگے ۔ مقبوضہ کشمیر اٹی 1989ء آن پد آن داوخت اسکان اسہ لکھ شہید مسنو ۔ بھارتی ریاستی دہشت گردی آن لکھ آ چناک چوری مسنو ۔ صوبائی وزیر داخلہ میر ضیاء اللہ لانگو مستی پارے کہ بھارت نا کنڈآن کشمیر نا بابت غٹ جہانی کانود آتا مخالفت شملہ معاہدہ نا نفی ءِ کیک نن اینو دنیا ءِ دا کلہو پیدوار وڑاٹ تننگ خوانہ کہ بھارت نا کنڈآن کشمیر نا متنازعہ حیثیت ءِ بدلیفنگ ننے ہچ ءُ حالیت اسے ٹی امنا اف نن دروہم کشمیری تتون اوار ئسن و اینو ہم اوفتے تون سلوک اُن کشمیری تیا مروک آ ظلم انا ڈکھ ہر پاکستانی اودے تینا ڈکھ سرپند کیک کشمیری تا حق خودارادیت ءِ بزور بازو توننگ نا ہر کوشست ءِ بے سہب کننگے ۔