بلوچستان آن تعلق تخوک آ قومی اسمبلی نا باسک و ایوان بالا نا باسک آک 27 اکتوبر نا مناسبت اٹ کشمیری تتون یکجہتی نا درشان

کوءٹہ ۔ 27 اکتوبر (اے پی پی) بلوچستان آن تعلق تخوک آ قومی اسمبلی نا باسک و ایوان بالا نا باسک آک 27 اکتوبر نا مناسبت اٹ کشمیری تتون یکجہتی نا درشانی ءِ کرسا اہلیان کشمیر نا تاریخی جیرت و بہادری ءِ خراج تحسین پیش کرینو و دا پکا عزم انا درشانی ءِ کرینو کہ کشمیری تا اخلاقی و سفارتی مخ تفی ءِ برجاتخنگک، بلوچستان عوامی پارٹی نا باسک قومی اسمبلی میر خالد خان مگسی ، پاکستان تحریک انصاف نا ایم این اے منورہ منیر و سینیٹر میر سرفراز بگٹی ئسک پارینو کہ 27 اکتوبر 1947اسہ مون ءُ دے اسے ہراتم بھارت نا کنڈآن کشمیری تیا ظلم و ستم نا تسلط قائم مس و غٹ تر انسانی حق و اخلاقی قدر ءِ لتاڑسا بھارت وادی کشمیر آ تینا کوزہ گیری کن پرتشدد کسر ءِ اختیار کرسا کشمیری تیا ظلم انا اسہ چٹپروک ءُ چرجوئی اسے نا بناءِ کرے ولے کشمیریک تینا عملی جہد اٹ بھارت نا غیر کانودی تسلط ءِ مسترد کریر ہرانا ردعمل اٹ بھارت کودک کشمیری تیا ظلم انا زی آ ظلم کننگ ءِ ، ولے تینا حق و تینا آجوئی آ مفاہمت کننگ آن بیدس کشمیریک تینا جان تے ندر کرسا تینا جہد آجوئی ءِ و برجاتخانو و بھارت ڈغاری راستکی تا جاگہ غا دروغ انا سیبو ہلسا ذلیل و رسوا ءِ بھارت نا جارحانہ عزم آن مچ آ ڈیہہ ءِ خطرہ مون تروک ءِ ، اوفک پاریر کہ پاکستانی الس نا است تینا کشمیری ایلم تتون دھڑکک و کشمیری ایلم تا ہر کہول آ اخلاقی و سفارتی مخ تفی ءِ برجاتخنگک ، اوفک پاریر کہ بھارت نا مکروہ دروشم مچ آ دنیا غا پاش مسنے فتح کشمیری الس نا مقدر مریک و بھارت نا نصیب اٹی شرمندگی و رسوائی ہی مریک ، اوفک پاریر کہ اینو مچ آ ملک آنبار بلوچستان نا کنڈ کنڈ اٹی کشمیری تتون یکجہتی نا درشانی داہیت انا دلیل ءِ پاکستان نا غٹ صوبہ غاتے ٹی بے پرخ بے رنگ و نسل ہر بندغ کشمیر نا مخ تفی ٹی سلوک ءِ و کشمیری ایلم تا جہد آجوئی نا سرسہبی اسکان ہر پاکستانی نا مخ تفی تینا کشمیری ایلم تتون برجاسلک ۔