احساس انڈرگریجویٹ سکالرشپ پروگرام ہیومن ریسورسءِ تہ سرمایہ کاری ءِ درستاں چہ مستریں ملکی سکالر شپ پروگرام انت،ڈاکٹر ثانیہ نشتر

اسلام آباد ۔ 26 اکتوبر (اے پی پی) مزن وزیر ءِ ھاسیں کمکار برائے سوشل پروٹکشن ڈاکٹر ثانیہ نشتر ءَ احساس انڈر گریجویٹ سکالر شپ پروگرام ءَ را مزن تکی تعلیمی تک ءِ تہ شریں بدلی ءِ آسرقرار دیانءَ گوشت کہ اے پروگرام ملک ءِ تہ ہیومن ریسورس ءِ ھوالہ چہ سرمایہ کاری ءِ دراھ ءَ چہ مستریں پروگرام انت ۔ ایشی ءِ ردا ضلورت مند ءِ نودربرءَ را انڈر گریجویٹ تبک ءِ سرا اسکالر شپ دیءگ بنت،امیت انت کہ مزن وزیر پاکستان پروگرام ءِ تچکی بنداتی آوکیں ھپتگ ءَ کن انت ۔ آہاں اے گپ 26می وائس چانسلرزدیوان ءَ گوں ٹیلی فونءِ وسیلگ ءَ گشتانک کنان ءَ کتگ ۔ حکومتی احساس انڈرگریجویٹ سکالرشپ پروگرام ءَ چہ شاھدربرانی سروکاں را سرپد کنگ ءِ ھاترا وائس چانسلرز ءِ دیوان کمیٹی ءِ چیئرمین ڈاکٹر محمد علیءِ نیمگا چہ لوٹارینگ بوتگ ایشی ءِ تہ سرج میں ملک ءِ شاھدربرانی وائس چانسلرزءَ جندی وڈ ءَ یا ویڈیو کانفرنس ءِ وسیلگ ءَ بھرزوراتگ ۔ اے موہ ءِ سرا ڈاکٹر ثانیہ نشتر ءِ گوشگ ات کہ مزن وزیر اے سکیم ءِ ردا سرج میں ملک ءِ تہ نودربراں را گیش پائدگ دیگ لوٹگ انت ءُُ حکومت آوکیں سالاں اے مراگش ءِ ھاترا گیش وسیلگ ایر کن ایت ۔ چیئرمین ایچ ای سی ڈاکٹر طارق بنوری ءَ نوکیں مراگش ’’احساس انڈرگریجویٹ سکالرشپ’’ءِ ھوالہ چہ وائس چانسلرز ءَ را سرج میں بریفنگ داتگ ۔