پرائم منسٹر یوتھ بزنس لون سکیم ءِ ردا گوستگیں مالی سال ءَ 26-76 ارب کلدار ءِ وام پھجارتگ ات،26ہزار 679ورناہ ءَ نپ چست کتگ

اسلام آباد ۔ 26 اکتوبر (اے پی پی) پرائم منسٹر یوتھ بزنس لون سکیم(پی ایم وائی بی ایل )ءِ ردا گوستگیں مالی سال ءِ تہ 26-76ارب کلدارءِ وام پھجارگ بوتگ ات، سکیم چہ 26 ہزار679 ورناہاں نپ چست کتگ ۔ وسیلگ ءِ ردا 30جون 2019ءِ تاں وام دیوکیں بینک /ادارہاں را پی ایم وائی بی ایل سکیم ءِ ردا وام زورگ ءِ ھاترا یک لکھ یک ہزار 938دزبندی سر بوتگ ات ایشاں چہ 88 درسد (89 ہزار860 )دزبندی مردمانی نیمگا چہ وھدیکہ 12درسد ( 12ہزار78 )زالبول ءَ دزبندی جم کتگ ات ۔ پاکستان تحریک انصاف ءِ حکومت ءَ گوزوکیں مالی سال ءِ بنداتی ءَ چہ پی ایم وائی بی ایل ءِ ابید پرائم منسٹر کامیاب ورناہ ایس ایم ای لینڈنگ مراگش ءِ بنداتی کتگ تنکہ ورناہاں را باسہولت ءُُ سہل ءِ شرط آنی سرا سافٹ لونز پھجارگ بنت ۔ کامیاب جوان پروگرام ءِ ردا ورناہاں را یک لکھ کلدار ءَ چہ 5لکھ کلدارءُُ پنچ لکھ چہ گیشاں گیش پنجاھ لکھ کلدار ءِ تاں وام شش چہ بگر ھشت درسد ءِ انٹریسٹ سرا دیءگ بنت تنکہ ملک ءِ تہ ایس ایم ایز ءِ تک ءَ را دیمروئی ءِ تہ کمک بیت ۔ ایشی ءَ چہ بیءپاری کاران پراھی رسیت ءُُ راجی ایکسپورٹ ءَ را کمکی رسیت ءُُ روزگار ءِ نوکیں راھ پچ بنت ۔ پدر بہ بیت کہ کامیاب نوجوان پروگرام ءِ ردا وامانی اجراء میرٹ ءِ سرا کنگ بنت ۔