پاک فضائیہ ءِ سروک ایئر چیف مارشل مجاہد انورخان ءِ کینیائی ہمکار ءِ گوما گند ءُُ نند

اسلام آباد ۔ 26 اکتوبر (اے پی پی) پاک فضائیہ ءِ سروک ایئر چیف مارشل مجاہد انور خان ءَ کینیا ءِ تروتاب ءِ تہ وتی کینیائی ہمکار میجر جنرل فرانسس اوگالا ءِ گوما موئی ایئربیس ءِ سراگند ءُُ نند کتگ اے موہ ءِ سرا کسبی دلچسپی ءُُ وت مہ وتی کمک ءِ لہتیں معاملہانی سرا ھیال ریچی کنگ بوتگ ۔ ربالکار پاک فضائیہ ءِ نیمگا چہ ھپتگ ءَ جاڑی بیان ءِ ردا کینیا ءِ فضائیہ ءِ کمانڈر ءَ سالاں چہ پاک فضائیہ ءِ حربی ءُُ کسبی پیشہ ورانہ بزر تکی معیار ءَ را ساڑاتگ ۔ پاک فضائیہ ءِ کماش ءَ کینیا ءِ فضائیہ ءَ را عسکری ءُُ گوات بازی ءِ لہتیں تکءِ تہ ھیلکاری ءِ پیشکش کتگ ۔ دوئیں راھشون ءَ دوئیں ملکانی گواتی اُردو ءِ میانءَ استیں نزیکیں سیادی ءَ را گیش پراھ کنگ ءِ امیت کتگ ۔ ایشی ءَ چہ پیسرءَ پاک فضائیہ ءِ سروک ءَ را کینیا ایئربیس آھگ ءِ موہ ءِ سرا گارڈ آف آنرپیش کنگ بوتگ ءُُ یک چاک ءُُ چوبند دستہ ءَ سلامی پیش کتگ ۔ پاک فضائیہ ءِ سروک ءَ کینیا ءِ فضائیہ ءِ کر ءَ استیں گرابانی ءُُ دگہ گواتی سازءُُ سامان ءِ چار ءُُ تپاس ھم کتگ ۔ ایشی ءِ پیسرءَ پاک فضائیہ ءِ کماش مجاہد انورخان ءَ کینیا ءِ دیمپانی کابینہ ءِ سیکرٹری راشیلے اومامو،کینیا ءِ دفاعی فورسانی سروک جنرل سامسسن مواتھیتھی ءُُ کینیائی آمی ءِ کمانڈر لیفٹیننٹ جنرل والٹر راریا ءِ ھوار سول ءُُ عسکری حکام ءَ گوں ھم گند ءُُ نند کتگ ۔ گند ءُُ نند ءِ تہ کسبی دلچسپی ءِ معاملہانی ءُُ لہتیں تکانی تہ وت مہ وتی کمک ءِ پراھی ءِ معاملہانی سرا ھیال ریچی کنگ بوتگ ۔