صدر ءِ مملکت ڈاکٹر عارف علوی ءِ ’’نون الیجنٹ مومنٹ‘‘ ءِ سروک دیوان ءَ گوں گشتانک

باکو ۔ 25 اکتوبر (اے پی پی) صدر مملکت ڈاکٹر عارف علویءَ گوشت کہ مھک میں دیمروئی ءُُ برجائی ایمن ءُُ سلامتی ءِ واستہ المی انت، بھارتی گامگیج کشمیری آنی وت واجئی ءِ ھک ءِ سر ءَ یک شلیں اُرش ات، کشمیر ءِ جیڈھ ءِ ایمنی ءَ گوں گیواری وھد ءُُ موہ ءِ المی ایں ضلورت انت، پاکستان اوگان جیڈھ ءِ سیاسی ءُُ ایمنی ءَ گوں گیواری ءِ واستہ کرد ءَ پیلو کنگ ءَ انت، پاکستان مھک میں میاں اوستمانی ایمنی ءِ واستہ وتی کرد ءَ مدام پیلو کنت ۔ اے ھیالانی درشانی آئی ءَ صدر ءِ مملکت ڈاکٹر عارف علوی ءَ آدینگ ءِ روچ ءَ ادا ’’ نون الیجنٹ مومنٹ‘‘ ءِ سروک دیوان ءَ گشتانک دیان ءَ کت ۔ صدر ءِ مملکت ءَ ڈاکٹر عارف علوی ءَ گوشت کہ مھک میں دیمروئی ءُُ برجائی ایمن ءُُ سلامتی ءَ گوں بندوک انت ۔ پاکستان ھمساھگیں ملک آنی گوما ایمنیں یکوئی ءِ واھشت ایگ انت ۔ پاکستان پڑ ءَ کسد ءُُ کینگ ءِ ھلاسی ءِ وساتہ آسراتی پجارینوکیں کرد ءَ پیلو کنگ ءَ انت، پاکستان اوگان جیڈھ ءَ را ایمن ءُُ سیاسی رنگ ءَ گیواری ءِ واستہ کرد ءَ پیلو کنگ ءَ انت ۔ صدر ءِ مملکت ڈاکٹر عارف علوی ءَ گوشت کہ وت واجئی ھک کشمیری آنی بنیاتی ھک انت ایشی یے میاں اوستمانی کانود آنی تہ ءَ زامنی دیگ بوتگ ۔ کشمیر ءِ جیڈھ ءَ را جوانی ءَ گیواری وھد ءِ ارزشتی ایں ضلورت انت ۔ کشمیری آناں اقوام ءِ متحدہ ءِ منوگر ی آنی رد ءَ وت واجئی دیگ بہ بیت ۔ آئی ءَ گوشت کہ یک ءُُ دگر ءَ کسد ءُُ کینگ ءُُ اسلام فوبیا ءِ وڑیں جیڈھ آں گوں گر ءُُ چیل بوھگ پکار انت ۔ پاکستان مھکیں میاں اوستمانی ایمنی ءِ واستہ وتی کرد ءَ مُدام پیلو کنت انت ۔