صدر ءِ مملکت ڈاکٹر عارف علوی ءُُُ ایرانی ھمکار صدر حسن روحانی ءِ نیام ءَ باکو ءَ گند ءُُ نند

اسلام آباد ۔ 25 اکتوبر (اے پی پی) صدر مملکت ڈاکٹر عارف علوی ءُُ ایران ءِ صدر حسن روحانی ءِ نیام ءَ آزربائیجان ءِ دارالحکومت باکو ءَ گند ءُُ نند بوت ۔ آدینگ ءِ روچ ءَ ادا ایوان ءِ صدر ءَ جاڑی بوتگیں بیان ءِ رد ءَ صدر ءِ مملکگ ءَ ایرانی ھمکار ءَ گوں ھیال ریچی کنان ءَ گوشت کہ پاکستان ءُُ ایران ءَ را یک ارزشتی ایں ملک ءِ پھم ایت ، دوئیں ملک آنی نیام ءَ 900کلومیٹر ءَ چہ گیش ھواریں سیم سر است انت ۔ آئی ءَ گوشت کہ پاکستان ءُُ ایران ءَ السی تک ءَ رابطہ ءَ چہ دو نیمگی دوستی آناں گیش شاھیگانی رسیت ۔ دوئیں ملک آناں دو نیمگی اقتصادی یکوئی آناں گیش دیمروئی دیگ ءِ واستہ تجارتی ازمکاری آں چہ سیت چست کنگی انت ۔ صدر ءِ مملکگ ءَ ایرانی ھمکار ءَ را بھارتی مقبوضہ جموں کشمیر ءَ یک شلیں لاک ڈاءون ءُُ بنی آدمی لگت مالی آنی ھوالگ ءَ سرپد کت ۔ صدر ءِ مملکت ءَ بھارتی مقبوضہ جموں کشمیر ءَ بزگیں الس آنی مُدام کمک کنگ ءِ پد ءَ ایرانی رھشون آنی شگر ءُُ منت گپت ۔ یات بہ بیت کہ صدر ءِ مملکت 18ھژدھمی سروک دیوان ءَ بھر زوری ءِ واستہ آزربائیجان ءِ دارالحکومت باکو ءَ ساڑی انت ۔