اسلام آباد ۔ 25اکتوبر (اے پی پی) بنجائی وزیر اقتصادی امور حماد اظہر پارینے کہ مسلم لیگ (ن) نا پنچ سالہ دور حکومت اٹی واپار اٹی آسانی تا بابت جہانی بینک انا رینکنگ اٹی پاکستان 110می پوزیشن آن 136می پوزیشن آ ہناسس ۔ جمعہ نادے آ تینا ٹویٹ اٹی اوپارے کہ پاکستان تحریک انصاف نا حکومت تینا اولیکو سال اٹی نسخان تروک آ گام گیج آتے پدی ہلک و اصلاحات آتے ٹی جہانی بینک انا رینکنگ اٹی پاکستان دُوارہ 136می پوزیشن آن 108می نمبرآ بسنے ۔ اوپارے کہ زرگزران و ملک اٹی واپار و زرکاری ءِ مون آ دننگ کن پین گام گیج کننگ انگ ءِ و ننے اومیت ءِ کہ بروک آ سال تیٹی دا رینکنگ اٹی پاکستان نا پوزیشن اٹی پین گچینی بریک ۔ یات سلے کہ اسہ دے اس مست جہانی بینک واپار اٹی آسانی و اصلاحات نا بابت جہانی رینکنگ جاری کریسس ہراٹی پاکستان واپار اٹی آسانی تا بابت پنچ بشخ آتے ٹی نمان گچینی نشان تسنے ۔ جہانی رینکنگ اٹی پاکستان 136می پوزیشن آن 108می نمبر آ بسنے ۔
