اسلام آباد ۔ 25اکتوبر (اے پی پی) پنی آ کشمیری راہشون یاسین ملک نا اُرائی مشعال ملک پارینے کہ لغور بھارتی فوج آزاد کشمیر اٹی کنٹرول لین آ شاری آبادی ءِ شست کننگ ءِ، مقبوضہ کشمیر اٹی بھارتی فورس آک ظلم انا زی آ ظلم کننگ ءُ، کشمیری تا جہد ءِ پیلٹ گن آتے اٹ توننگ نا کوشست کننگ انگ ءِ ، بھارت ڈیہہ نا امن ءِ بھس کننگ اٹ لگوک ءِ ۔ جمعہ نادے آ تینا بیان اٹی اوپارے کہ مقبوضہ کشمیر اٹی خور و دوائی تا بھاز تنکی ءِ ۔ اوپارے کہ مقبوضہ کشمیر نا خلقت نا دنیا تون رابطہ مفننگ ءِ ۔ بھارتی فورس آک ورناتے اُراتیا ہرفنگ ءُ دننگ ءُ ۔ مشعال ملک پارے کہ بھارت ڈیہہ نا امن ءِ بھس کننگ اٹ لگوک ءِ ۔ اوپارے کہ مودی حکومت کشمیر ءِ جیل اسے ٹی بدل کرینے ۔ دنیا نا ضمیر بھارتی ظلم و ستم آن پد ہم بش مفننگ ءِ ۔ دنیا ءِ داسہ سجفوئی مریک بھارت بیرہ مذمتی بیان آن باز بفننگ ءِ ۔
