ایڈمرل ظفر محمود عباسی نا پاکستان میری ٹائم سیکورٹی ایجنسی ، کراچی ٹی پاک بحریہ نا تنصیبات آتا دورہ

اسلام آباد ۔ 25اکتوبر (اے پی پی) چیف آف دی نیول اسٹاف ایڈمرل ظفر محمود عباسی پاکستان میری ٹائم سیکورٹی ایجنسی و کراچی ٹی پاک بحریہ نا تنصیبات آتا دورہ ءِ کرے ۔ ترجمان پاک بحریہ نا رداٹ پی ایم ایس اے ہیڈ کوارٹر آ بننگ آ امیر البحر ءِ گارڈ آف آنر پیش کننگا ۔ امیر البحر میری ٹائم سیکورٹی ایجنسی ہیڈ کوارٹر اٹی یات گار شہید آتیا دعا پاتیاکرے و پھل آتا چادراس شاغا ۔ نیول چیف ءِ میری ٹائم آپریشن سینٹر اٹی پی ایم ایس اے نا کڑد و زمواری تا بارواٹی حوال تننگا ۔ سروک پاک بحریہ آفیسر و ورناتا تربیت کن پوسکن جوڑ کروک ٹریننگ سینٹر نا ہم دورہ ءِ کرے ۔ داکان پد نیول چیف پاک بحریہ نا فلیٹ نا آپریشنل تیاری تاہم جاچ ءِ ہلک ۔ امیر البحر پاک بحریہ و میری ٹائم سیکورٹی ایجنسی نا کڑد و آپریشنل تیاری تا ستاءِ کرسا پورو است جمی نا درشانی ءِ کرے ۔