وزیراعظم عمران خان سانحہ ساہیوال نا بابت خصوصی عدالت نا فیصلہ غا پنجاب حکومت ءِ اپیل دائر کننگ نا پارت کرینے، وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 25اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان سانحہ ساہیوال نا بابت خصوصی عدالت نا فیصلہ غا پنجاب حکومت ءِ اپیل دائر کننگ نا پارت کرینے، دا کیس انا پیروی ٹی استغاثہ نا نزوری و خامی تا جاست وپاست ءِ کننگ نا ہم پرمان کرینے ۔ جمعہ نادے ڈاکٹر فردوس عاشق اعوان تینا ٹویٹ اٹی پارے کہ چناتا مون آ اوفتا لمہ و باوہ غا سم تا برسات کننگ نا ویڈیو ءِ مچ آ قوم خنا، حکومت کودک چناتے انصاف تننگ کن پرعزم ءِ ، اگہ اوفتا خاہوت مدعی مفک تو ریاست دامقدمہ نا مدعیت ءِ کیک ۔