کرتارپور راہداری معاہدہ وزیراعظم عمران خان نا اسہ پین وعدہ سے ناپوروی ءِ، فردوس عاشق اعوان

اسلام آباد ۔ 24اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ کرتارپور راہداری معاہدہ وزیراعظم عمران خان نا اسہ پین وعدہ سے نا پوروی ءِ، ڈٹ انا بنداو ءِ 28 نومبر 2018 آ تخنگاسس ہرادے اینو اسہ سال آن کم وخت اٹی ایسر اسکان سرکننگا ۔ ڈاکٹر فردوس عاشق اعوان پنچ شنبے نادے آ تینا ٹویٹ اٹی پارے کہ کرتارپور راہداری معاہدہ پاکستان نا بین المذاہب ہم آہنگی و امن نا داعی مننگ نا عملی شاہدی ءِ ، دا معاہدہ شرف انسانیت و ایلمی نا مون آ دننگ کن ، دربار کرتارپور صاحب مچ آ دنیا نا سکھ آتے کن مقدس ءُ ہند اسے ۔ نن تینا سکھ ایلم تے ملوک آ است اٹ بخیر کینہ ۔ ڈاکٹر فردوس عاشق اعوان پارے کہ پاکستان ہمہ جہت دودوربیدہ، چندی تہذیب و مذہب آتا مسکن ءِ ، آئین پاکستان داڑے رہینگوک آ اقلیت آتا حق انازموار ءِ ۔ اقلیت آک ننا بشخ ءُ ، قومی بیرک نا پیہن انگا رنگ انا بشخ اوفتا نمائندگی ءِ کیک ۔