اسلام آباد ۔ 24اکتوبر (اے پی پی) امیر البحر ایڈمرل ظفر محمود عباسی گوادر و اورماڑہ ٹی نیول تنصیبات و مون نا مورچہ غاتا دورہ ءِ کرے ہراڑے اودے سی پیک نا سمندری دفاع تون اوار ایلو کسبی تیاری و جنگی حکمت عملی آ حوال تننگا ۔ ترجمان پاک بحریہ نا رداٹ گوادر اٹی پاک بحریہ نا سروک تون چائنیز اوورسیز پورٹس ہولڈنگ کمپنی نا چیئرمین ژانگ باءو ژونگ خصوصی …
پاک بحریہ نا سروک ایڈمرل ظفر محمود عباسی نا گوادر و اورماڑہ ٹی نیول تنصیبات و مون آ مورچہ غاتا دورہ
گیشتریں ھال
اسلام آباد ۔ 24اکتوبر (اے پی پی) امیر البحر ایڈمرل ظفر محمود عباسی گوادر و اورماڑہ ٹی نیول تنصیبات و مون نا مورچہ غاتا دورہ ءِ کرے ہراڑے اودے سی پیک نا سمندری دفاع تون اوار ایلو کسبی تیاری و جنگی حکمت عملی آ حوال تننگا ۔ ترجمان پاک بحریہ نا رداٹ گوادر اٹی پاک بحریہ نا سروک تون چائنیز اوورسیز پورٹس ہولڈنگ کمپنی نا چیئرمین ژانگ باءو ژونگ خصوصی اوڑدہی ہم کرے ہراٹی سی پیک و گوادر پورٹ انا ودفنگ تون اوار ایلو تین پہ تینی است خواہی نا معاملہ غاتیا گپ و تران کننگا ۔ گوادر اٹی نیول چیف ءِ سی پیک میری ٹائم سیکورٹی ٹاسک فورس 88 نا کارکڑدگی و اونا ودوک آ زمواری تیا حوال تننگا ۔ نیول چیف بحری بیڑہ نا تنظیم نو آن پد گوادر و اورماڑہ نا سمندری دنگ اٹی تعینات سرفس ٹاسک گروپس نا آپریشنل تیاری تا جاچ ءِ ہلک ۔ داوخت آ امیر البحر ءِ ممکنہ خطرات و پاک بحریہ نا ورندی حکمت عملی آ سرجم حوال تننگا ۔ نیول چیف مون نا مورچہ غاتیا تعینات آفیسر و ورناتا بڑز حوصلہ غاتا ستاءِ کرے و آپریشنل تیاری تیا است جمی نا درشانی ءِ کرے ۔ دورہ ٹی نیول چیف گوادر و اورماڑہ ٹی چندی آپریشنل ، تربیتی و انتظامی ڈٹ آتیا بنداو ءِ ہم تخا ۔
