درمان کن نواز شریف نا پیشن ہِننگ نا فیصلہ ءِ عدالت ءِ کروئی ءِ، ڈاکٹر فردوس عاشق اعوان

اسلام آباد ۔ 24اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوا ن پارینے کہ درمان کن نواز شریف نا پیشن ہِننگ نا فیصلہ ءِ عدالت ءِ کروئی ءِ ۔ نجی ٹیلی ویژن نا پروگرام اٹی گپ و تران کرسا اوپارے کہ نیب و عدالت نا کانود نا رداٹ نواز شریف ءِ ہرا آسراتی تے تننگ مریک او فتے حکومت تننگ ءِ ۔ ڈاکٹر فردوس عاشق اعوان پارے کہ نواز شریف نا جون اٹی پلیٹی لٹس کاونٹ اٹی کمتی و ودکی یقینا بون میرو نا سوب آن ءِ ، اونا جسمانی نظام پلیٹی لیٹس جوڑ کپننگ ءِ، ڈاکٹر آک دا معاملہ ءِ ہُننگ ءُ و او زوت جاگہ نا جاگہ سے آ سرمریرہ ۔ ڈاکٹر فردوس عاشق اعوان پارے کہ دابابت آن ڈاکٹر آتا ٹیم ہراسلاہ ءِ ایتک اوکان پد ہی اونا درمان نا اولیت آک طے مریرہ ۔ اوپارے کہ مریم نواز تینا باوہ تون اوڑدہی کن درخواست تسوسس و اودے تینا جان جوڑی نا بابت ہم گڑاس گڑتی ئس اونا درخواست آ حکومت شام اتون اودے ہسپتال آ منتقل کرفینے ہراڑے اونا ٹیسٹ آتے کننگانے و اودے اونا باوہ نا درمان نا بارواٹی ہم معلومدار کننگانے ۔ اوپارے کہ جیل انا تہہ ٹی آصف علی زرداری ءِ ڈاکٹر آتا سلاہ نا رداٹ گچین طبی آسراتی دوئی ءِ و دا دے ہر بندی کن المی جوڑ کننگک ۔ اسہ سوج اسے نا ورندی ٹی ڈاکٹر فردوس عاشق اعوان پارے کہ ہراتم نواز شریف عمران خان نا جان پڑسی ءِ کرے تو او ڈوہ اسے ٹی سزایافتہ ئس، نیب انا بندی ئس ونئے جیل اسے ٹی سزا کاٹاکہ بلکن ٹھپی ئس ۔