اسلام آباد ۔ 24اکتوبر (اے پی پی) صدر مملکت ڈاکٹر عارف علوی پارینے کہ ملک آن پولیو نا چٹفنگ ننا اولیت ءِ ، نن پاکستان ءِ پولیو فری اس جوڑ کینہ ۔ داخیال آتا درشانی ءِ او پولیو نا جہانی دے آ قوم انا پن تینا کلہو اٹی کرے ۔ صدر مملکت پارے کہ پولیو نا جہانی دے داہلوک آ مرض انا چٹفنگ نا عزم انا تجدید ءِ کیک ۔ اوپارے کہ ملک آن پولیو نا چٹفنگ ننا اولیت ءِ ۔ نن پاکستان ءِ پولیو فری اس جوڑ کینہ ۔ صدر مملکت پارے کہ دا چرجوئی ٹی جہانی کمکاری بے کچ اہمیت تخک و نن تینا جہانی شریدار آتا منت وار اُن ۔ اوپارے کہ ننے الس اٹی پولیو ویکسینیشن نا بارواٹی شعور ودی کروئی مریک ۔
