اسلام آباد ۔ 24اکتوبر (اے پی پی) وزیراعظم عمران خان جہانی بینک انا رپورٹ اٹی کاروبار اٹی آسانی ودی کننگ نا بابت پاکستان نا درجہ بندی ٹی تاریخ نا غٹ آن زیات گچینی آ قوم ءِ مبارکبادی ترسا پارینے کہ دا ننا منشور نا اسہ پین وعدہ سے نا پوروی ءِ ۔ پنچ شنبے نادے آ تینا ٹویٹ اٹی وزیراعظم پارے کہ تدوک آ 10 سال اٹی پاکستان نا کاروبار اٹی آسانی نا بابت آن 50 درجہ تنزلی مسوسس ۔ داسہ نن 28 درجہ گچینی اتون 136آن 108می نمبرآ بسونن ۔ وزیراعظم دا سرسہبی آ تینا حکومت نا ہمو غٹ زموار آتے مبارکبادی تس ہرافک دا چرجوئی ٹی خواری و لگن اٹ کاریم کریر ۔ وزیراعظم پارے کہ داسہ ننے دا چرجوئی ٹی بھاز گڑاکروئی ءِ ۔ اوپارے کہ 2020ء اسکان پاکستان زرکاری نا لحاظ اٹ سرفہرست ملک آتے ٹی اوار مریک ۔
