مشیر تجارت، صنعت ءُُ ٹیکسٹائل عبدالرزاق داءود ءَ گوں ایف پی سی سی آئی ءِ ڈل ءَ گوں گند ءُُ نند

اسلام آباد ۔ 24 اکتوبر (اے پی پی) مزن وزیر ءِ مشیر برائے تجارت، صنعت ءُُ ٹیکسٹائل عبدالرزاق داءود ءَ گوں بنجاھ صنعت ءُُ تجارت (ایف بی سی سی آئی) ءِ ڈل ءَ گوں گند ءُُ نند کت ۔ ڈل ءَ صنعتی شوبگ ءِ استیں جیڈھ آنی ھوالگ ءَ مزن وزیر ءِ مشیر ءَ را سرپد کت ءُُ مینوفیکچرنگ شوبگ ءِ دیمروئی ءُُ گہتری ءِ واستہ آئی ءِ جیڈھ آنی گیواری ءِ لوٹ کت ۔ عبدالرزاق داءود ءَ معاشی دیمروئی ءِ واستہ اف پی سی آئی ءِ کرد ءَ را ساڑات ءُُ گوشت کہ استیں حکومت صنعتی شوبگ ءِ برجائی ءِ واستہ جوانیں پیسلہ کتگ ۔ آئی ءَ گوشت کہ حکومت کاروباری تبک ءِ سر ءَ ریگولیٹری بار ءِ کم کنگ ءِ واستہ کار کنگ ءَ انت ۔ ملک ءَ کاروبار ءَ را آسان جوڑ کنگ ءِ واستہ کار کنگ بوتگ ۔ ایشی ءَ چہ صنعتی شوبگ ءِ جیڈھ آنی گیواری ءُُ پیداواری چست ءُُ ایرا آنی تہ ءَ گیشی بیت ۔