اسلام آباد ۔ 24 اکتوبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان ءَ مُدام کانود ءِ سروکی ءُُ ادارگ آناں مھکم کنگ ءِ جزم ءِ درشان کتگ، ایمرجنسی ءُُ زندمان ءَ گوں آماچیں بیم آنی پجار جان سلامتی کلانہ آناں کنگی انت، محمد نواز شریف ءِ جان سلامتی ءِ ھوالگ ءَ آمید گس ءَ ھم پیسلہ کنت کہ حکومت ایشی ءَ را پد ءُُ رند کنت، پیسلہ مردمے واھشت آنی رد ءَ بوت نہ کنت، گوستگیں 72سال آنی ساھت ءَ ادارگ آنان ھمزور ءُُ دست ءِ چیر ءَ کنگ بوتگ، نواز شریف ءِ پلیٹ لیٹس 20ہزار ءَ تاں اتکگ اَنت ۔ ھمک آیوکیں روچ ءَ ایش گہتر بوھگ ءَ انت، جان سلامتیں نوازشریف مئے درستانی واستہ ارزشتی انت، نوں مسلم لیگ (ن) نواز شریف ءِ نادُراھی ءِ رد ءَ حکومت ءِ سر ءَ بھتام ءُُ ایراد گرگ ءِ مٹ ءَ دگہ بُنگپ ءِ شوہاز بکن انت ۔ آئی پنچ شمبے ءِ روچ ءَ ایم ڈی بیت المال عون عباس بپی ءِ ھمبراھی ءَ پی آئی ڈی ءِ میڈیا سینٹر ءَ میڈیا ءَ بریفنگ دیگ ءَ ات ۔
