پاکستان تحریک انصاف حقیقت اٹ لس خلقت نا جماعت ءِ ، السی راجی آسراتی و قومی ویل آتا ایسری کن پرعزم ءِ، عندلیب عباس

اسلام آباد ۔ 23اکتوبر (اے پی پی) پارلیمانی سیکرٹری امور خارجہ عند لیب عباس پارینے کہ پاکستان تحریک انصاف حقیقت اٹ لس خلقت نا جماعت ءِ و الس نا راجی آسراتی و قومی ویل آتا ایسری کن پرعزم ءِ ۔ چارشنبے نادے آ نجی نیوز چینل تون گپ و تران کرسا اوپارے کہ قوم لس گچین کاری 2018ٹی ایلو جماعت آتے مسترد کرسا پاکستان تحریک انصاف آ پت انا درشانی ءِ کریر قوم ساڑی حالیت آتے ٹی پرعزم ءِ و وزیراعظم عمران خان نا خلوص ءِ پہہ مریرہ ۔ دارالحکومت ءِ لاک ڈاءون کننگ نا مولانا فضل الرحمان نا ڈٹ آ تنقید کرسا اوپارے کہ اودے سیاسی پختگی ظاہر کننگ نا گرج ءِ انتئے کہ برانز و دھرنا اہم ویل آتے ایسر کننگ نا ایسر اف ۔ اوپارے کہ مولانا چاہک کہ او لاک ڈاءون آن تینا ہدف آتے دوئی کننگ کپک انتئے کہ لس گچین کاری 2018ء ٹی خلقت اونا سیاست ءِ مسترد کریسس ولے او بیرہ احتساب نا عمل ءِ بند کننگ کن کوشست کننگ ءِ ۔ اومستی پارے کہ دنیا داسہ دیرینہ کشمیر نا ویل انا کنڈا ہُننگ ءِ انتئے کہ وزیراعظم عمران خان ہم کشمیر نا ویل ءِ جہانی کہول آ ایسر کننگ و دادے تالان کننگ اٹ ہر حداسکان ہنانے ۔ عند لیب عباس پارے کہ پاکستان نا سفارتی فتح ءِ کہ جہانی برادری مقبوضہ کشمیر اٹی انسانی حق انا پامالی تا نوٹس ءِ ہلکونے ۔ اوپارے کہ دا اہم وخت آ غٹ سیاسی جماعت آک بایدے سیوت نشان ایتر و حکومت تون یکجا مرسا معاملہ غاتے ایسر کننگ کن پارلیمنٹ نا دنگ ءِ کاریم اٹ اتنگ آ چکار کروئی مریک ۔