ای او بی آئی ءِ نسخان آن کشان، ننا مسخت بنداوی پنشن ءِ 15ہزار روپئی اسکان دننگ نا ءِ، سید ذوالفقار علی بخاری

اسلام آباد ۔ 23اکتوبر (اے پی پی) وزیراعظم نا خصوصی کمکار اوورسیز پاکستانیز سید ذوالفقار بخاری پارینے کہ ای او بی آئی نا ادارہ نا نسخان اٹی ہِننگ آن پنشنرآتا آسودہی نا ڈٹ اڑاند نا گواچی ئس ۔ مستین نا حکومت آتا وڈی خوری و بدانتظامی نا سوب آن دا ادارہ نسخان اٹی ئس ، 6سال اٹی 150 کروڑ روپئی اسکان نا نسخان ءِ سگنگ آن پد اینو دا ماڑی ءِ لیز آ تننگ اُن ۔ اوورسیز ایمپلائمنٹ کارپوریشن ٹاورجی نائن فور ءِ اسہ نجی کمپنی ءِ لیز آ تننگ نا دود آن تران کرسا اوپارے کہ ننا مسخت بنداوی پنشن ءِ 15ہزار روپئی اسکان دننگ نا ءِ ۔ بنداوی پنشن اٹی 23دسد ودکی کرین، سال انا ایسر اسکان دہ ہزار روپئی اسکان ودفینہ ۔ اوپارے کہ ننا کوشست آتیان دا ادارہ ءِ نسخان آن کشنگا ۔ ای او بی آئی نا پین پراپرٹی تے لیز آ تننگ آن پنشنر آتے فائدہ رسینگک ۔ بنداوی پنشن ہر مزور نا بنداوی حق ءِ و داحق ءِ اوفتسکان سرکینہ ۔ دود اٹی سیکرٹری وزارت اوورسیز عامر حسن، چیئرمین ای او بی آئی اظہر حمید ، ڈائریکٹر جنرل بیورو آف امیگریشن اینڈ اوورسیز ایمپلائمنٹ کاشف نور ، چیف ایگزیکٹو آفیسر پاکستان رئیل اسٹیٹ انویسٹمنٹ اینڈ مینجمنٹ کمپنی (پرائمکو) بریگیڈیئر (ر) طارق حسین مریدی ئسک ہم ساڑی ئسر ۔