وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

پاکستان نا سچ بھارتی دروغ ءِ جہہ جاگہ کرینے، لین آف کنٹرول نا پاکستانی کنڈاسفارتکار و میڈیا نا دورہ دنیا ءِ بھارت نا اصل دروشم ءِ نشان تسنے

اسلام آباد ۔ 23اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پاکستان نا سچ بھارتی دروغ ءِ جہہ جاگہ کرینے، مچ آ دنیا خنانے کہ بھارتی آرمی چیف نا دعویٰ اخہ درو بھلو دروغ اس ئس ، لین آف کنٹرول نا پاکستانی کنڈاسفارتکار و میڈیا نا دورہ دنیا ءِ بھارت نا اصل دروشم ءِ نشان تسنے ۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ بھارتی آرمی چیف تینا دروغ آ مچ آ دنیا غان بایدے بشخنداری کے ۔ بھارتی آرمی چیف نا دروغ دعویٰ تا بھرکس پیش تمانے، سلہ غان پد ہم بھارتی ہائی کمیشن نا سفارت کار آتا دورہ غان نرنگ نا کسر بھارتی دروغ آ موراسے ۔ اوپارے کہ شاری آبادی و کودک شاری تے شست کروک آک سفاک و لغور ءُ، بھارت چوخت درملکی سفیر و میڈیا ءِ مقبوضہ کشمیر آ دیک تانکہ او کوزہ گر فوج انا مظلوم تیا ظلم و بربریت و انسانی حق انا پامالی تے تینا خن تیٹی خنر ۔ اوپارے کہ جہانی برادری ءِ تنازعہ کشمیر کشمیری تا است خواہی و اقوام متحدہ نا قرارداد آتا رداٹ ایسر کروئی مریک ۔