ٹوکیو ۔ 23اکتوبر (اے پی پی) صدر مملکت ڈاکٹر عارف علوی تون جاپان پاکستان پارلیمنٹری فرینڈ شپ لیگ انا چیئرمین سیشیرو ایتونا کماشی ٹی اسہ ڈل اس اوڑدہی کرے ۔ اوڑدہی ٹی صدر مملکت مقبوضہ جموں و کشمیر اٹی انسانی حق انا بگڑینگوک حالیت آتیا گڑتی و جاپان اٹی ساڑی آ طوفان اٹی نہادی جان تا زیان آ دلی است ہسونی نا درشانی ءِ کرے و ٹھپی تا زوت جان …
صدر مملکت ڈاکٹر عارف علوی تون جاپان پاکستان پارلیمنٹری فرینڈ شپ لیگ انا چیئرمین نا کماشی ٹی ڈل انا اوڑدہی
گیشتریں ھال
ٹوکیو ۔ 23اکتوبر (اے پی پی) صدر مملکت ڈاکٹر عارف علوی تون جاپان پاکستان پارلیمنٹری فرینڈ شپ لیگ انا چیئرمین سیشیرو ایتونا کماشی ٹی اسہ ڈل اس اوڑدہی کرے ۔ اوڑدہی ٹی صدر مملکت مقبوضہ جموں و کشمیر اٹی انسانی حق انا بگڑینگوک حالیت آتیا گڑتی و جاپان اٹی ساڑی آ طوفان اٹی نہادی جان تا زیان آ دلی است ہسونی نا درشانی ءِ کرے و ٹھپی تا زوت جان جوڑی کن دعا کرے ۔ داوخت آصدر مملکت پارے کہ جاپانی پارلیمانی سرکڑدہ کشمیر اٹی انسانی حق انا بحالی کن کڑد ادا کے ۔ صدر مملکت لیگ باسک آتا پاکستان و جاپان نا نیام اٹ معاشی کمکاری نا کوشست آتا ستاءِ کرے ۔ اوپارے کہ کنے ہڑتوم آ ملک آک خاص کر جاپان و پاکستان نا پارلیمان نا نیام اٹ مفاہمت و سنگتی ءِ مون آ دننگ کن کوشست آتا اعتراف اٹی اینخو سال سیشیرو ایتوءِ ہلال پاکستان تننگ آ خوشی مس ۔ اوڑدہی ٹی سیشیرو ایتو ہلال پاکستان تننگ آ صدر پاکستان نا منت واری ءِ ہرفے ۔ اوہڑتوم آ ملک آتے ٹی واپاری و زرکاری نا بشخ آتے تالان کرے و تین پہ تینی تعلقداری تا مون آ دننگ کن صدر ڈاکٹر عارف علوی نا دورہ جاپان ءِ اہم گوندا ۔ اوڑدہی ٹی ہڑتوم آ کنڈآتا پارلیمانی کمکاری و رابطہ غاتے پین مون آ ودفنگ آ امنا کننگا ۔
