ادارُکی صدر سنجرانی ءَ سپیکر راجی اسمبلی اسد قیصر ءَ گوں گند ءُُ نند ، آئی ناکو ءِ بیرانی ءِ پد ءَ دلپدردی ءِ درشان

اسلام آباد ۔ 22 اکتوبر (اے پی پی) ادارُکی صدر صادق سنجرابی ءَ سپیکر راجی اسمبلی اسد قیصر ءَ آئی ءِ گس ءَ آئی ءَ گوں گند ءُُ نند کت ءُُ آئی ءِ ناکو ملک محمد نظیف خان ءِ بیرانی ءِ پد ءَ دلپدردی ءِ درشان کت ۔ ھُدا مرزی یک شمبے ءِ روچ ءَ صوابی ءَ بیران بوتگ، ادارکی صدر ءَ گرانیں ڈکھ ءُُ اندوھ ءِ درشان کنان ءَ اللہ تعالیٰ ءَ گوں ھُدا مرزی ءِ آکبت پہ ھیری ءُُ پشت مندگیں مردم آنی اوپار کشی ءِ دعا ءِ نیک کت ۔ بلوچستان نیشنل پارٹی ءِ چیئرمین سردار اختر مینگل، پیسریگیں راجی اسمبلی ءِ سردار ایاز صادق، سینٹ ءِ سروکیں رھشون شبلی فراز ءُُ وزیر مملکت برائے جوڑیشت شبیر علی قریشی ءَ جتا جتائیں گند ءُُ نند کنان ءَ دلپدردی ءِ درشان کت ۔ راجی اسمبلی ءِ باسک ا سد عمر، علی خان جدون، عمران خٹک، محسن داوڑ، میجر طاہر صادق، ڈاکٹر حیدر علی، غلام مصطفی شاہ، پرنس نواز خان الٰہی ءُُ ایندگر آں سپیکر راجی اسمبلی ءَ گوں راجی اسمبلی سیکرٹریٹ ءَ گند ءُُ نند کت ءُُ آئی ءِ ناکو ءِ بیرانی ءِ پد ءَ اپسوزی ءِ درشان کت ۔