پاک اُرد ءِ سروک جنرل قمر جاوید باجوہ ءَ ایبٹ آباد ءِ تر ءُُ تاب، لیفٹیننٹ جنرل اظہر عباس ءَ را کرنل کمانڈنٹ بلوچ رجمنٹ ءِ بیج جت اَنت

راولپنڈی ۔ 22 اکتوبر (اے پی پی) پاک اُرد ءِ سروک جنرل قمر جاوید باجوہ ءَ ایبٹ آباد ءِ تر ءُُ تاب کت ءُُ لیفٹیننٹ جنرل اظہر عباس ءَ را کرنل کمانڈنٹ بلوچ رجمنٹ ءِ بیج جت اَنت ۔ پاک اُرد ءِ شوبگ (آئی ایس پی آر) ءِ رد ءَ جنرل قمر جاوید باجوہ ءَ بلوچ رجمنٹ سینٹر ایبٹ آباد ءِ تر ءُُ تاب کت ءُُ بلوچ رجمنٹ ءِ کرنل کمانڈنٹ انسٹالیشن مراگش ءَ بھر زوری کت، اے ساھت ءَ آرمی چیف ءَ تاتگیریں شہید آنی قبر آنی کرِا شُت ءُُ آوانی ادیراہ ءِ سر ءَ پُل آنی چادر پر دات ۔ اے موہ ءِ سر ءَ شریکیں مردم آں گوں گشتانک دیان گوشت کہ پاک ارد ءِ سروک جنرل قمر جاوید باجوہ ءَ بلوچ رجمنٹ ءِ کرد ءُُ کامیاتی آناں ساڑات ءُُ گوشت کہ بلوچ رجمنٹ ءِ توکی سیکورٹی آپریشن بے درور اَنت ۔ مراگش ءَ استیں ءُُ ریٹائر اپسرگ آنی مزنیں کساس ءَ بھر زوری کت ۔