وزیراعظم نا خصوصی کمکار جان جوڑی ڈاکٹر ظفر مرزا نا انسداد پولیو نا بڑزکو کہولی دیوان آن تران

پولیو نا چٹفنگ نا کوشست آتے ٹی ترندی اتنگ انگ ءِ ، پولیو نا پڑی تا ویکسین کنفنگ آن انکار کروک آتا گڑتی تے مر و جان جوڑی نا خذمت آتے المی کننگے

اسلام آباد ۔ 22اکتوبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ پولیو نا چٹفنگ نا کوشست آتے ٹی ترندی اتنگ انگ ءِ ، پولیو نا پڑی تا ویکسین کُنفنگ آن انکار کروک آتا گڑتی تے مر کننگ و جان جوڑی نا خذمت آتے المی کننگے، تعلقدار کمامدارآک گچین آگاہی ءِ برجاتخر ۔ داخیال آتا درشانی ءِ او سے شنبے نادے آ انسداد پولیو نا بڑزکو کہولی دیوان نا کماشی ءِ کرسا پارے ۔ دیوان اٹی کینیڈین ہائی کمشنر، یونیسیف نا کنٹری ہیڈ، ڈپٹی ڈائریکٹر بل ملنڈاگیٹس فاءونڈیشن روٹری نا نمائندہ و ایلو ٹیکنیکل بندغ آک ساڑی ئسر ۔ دیوان اٹی 4نومبر آن بناکروک آ پولیو نا چٹفنگ نا مہم نا بارواٹی تیاری آ حوال تننگا ۔ دیوان اٹی پولیو نا ساڑی حالیت آتیا سرجم سجفنگا ۔ دیوان آن تران کرسا ڈاکٹر ظفر مرزا پارے کہ پولیو نا چٹفنگ نا کوشست آتے ٹی ترندی اتنگ انگ ءِ ۔ ڈاکٹر ظفر مرزا پولیو نا کیس آتے ٹی ساڑی آ ودکی آ گڑتی نا درشانی ءِ کرسا پارے کہ تعلقدار کمامدارآتے پارت کرے کہ او گچین آگاہی ءِ برجاتخر ۔ اوپارے کہ بروک آ تُو تیٹی پولیو وائرس نا منتقلی نا مون ءِ توننگ مرے ۔ ظفر مرزا پولیو نا چٹفنگ و احساس پروگرام اٹی شریداری نا گرج آ زور شاغسا پارے کہ جان جوڑی و راجی رکھ اٹی کمکاری ٹی پیش رفت ءِ المی کننگے ۔ پولیو نا پڑی تا ویکسین کُنفنگ آن انکارکروک آتا گڑتی تے مر کننگ و جان جوڑی نا خذمت آتے المی کننگے ۔ اوپارت کرے کہ مچ آ پاکستان اٹی پولیو نا مثبت سرجز آتے المی کیر ۔