سی پیک ڈٹ آتیا عملدرآمد نا مخلصانہ کوشست آک رنگ اس اتنگ ءُ، پاکستان و چین نا اسیجا پاور پلانٹ نا بنابے کچ ستاکڑزک اسلام آباد ۔ 22اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ سی پیک اتون گنڈوک تغ تا تعبیر نا وخت بسنے، سی پیک ڈٹ آتیا عملدرآمد نا مخلصانہ کوشست آک رنگ اس اتنگ ءُ ، پاکستان …
وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ
گیشتریں ھال
سی پیک ڈٹ آتیا عملدرآمد نا مخلصانہ کوشست آک رنگ اس اتنگ ءُ، پاکستان و چین نا اسیجا پاور پلانٹ نا بنابے کچ ستاکڑزک
اسلام آباد ۔ 22اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ سی پیک اتون گنڈوک تغ تا تعبیر نا وخت بسنے، سی پیک ڈٹ آتیا عملدرآمد نا مخلصانہ کوشست آک رنگ اس اتنگ ءُ ، پاکستان و چین نا اسیجاپاور پلانٹ نا بنابے کچ ستاکڑزک ۔ سے شنبے نادے آ ڈاکٹر فردوس عاشق اعوان تینا ٹویٹ اٹی پارے کہ ساڑی حکومت نا شفافیت و وڈی خوری نا برخلاف عزم انا رداٹ پیشن نا کمپنیک پاکستان اٹی زرکاری کننگ اٹ است خواہی تخنگ ءُ ۔ اوپارے کہ سندھ و بلوچستان بنجاپاکستان نا اِراخوبصورت گل دستہ ءُ، وزیراعظم عمران خان سندھ و بلوچستان نا پسماندگی ءِ مر کننگ و ہموجاگہ نا الس نا زند انا آب ءِ بڑز کننگ کن مخلصانہ کوشست کننگ ءِ ۔ اوپارے کہ بلوچستان قدرتی وسیلہ غاتیان مالامال ءِ و انشاء اللہ تعالیٰ دا صوبہ زوت شونداری و شونہالی آن ہمکنار مریک ۔
