پبی/کھاریاں ۔ 10فروری ( اے پی پی) تہی کارانی وزیر چوہدری نثار علی خان ئَ جمعہ ئِ روچئَ نیشنل کاﺅنٹر ٹیررازم ٹریننگ سینٹر پبی، کھاریاں ئِ ترءُتاب کتگ۔ تہی کارانی وزیر نیشنل کاﺅنٹر ٹیررازم کورس 9ئِ گریجوایشن مراگش ئِ ھاسی مہمان بوتگ۔ کمانڈرون کور لیفٹیننٹ جنرل عمر فاروق درانی ئَ تہی کارانی وزیر ئَ را اے مراگش ئِ تہا ھاس دعوت داتگ بوتگ۔ سینٹر ئِ تہا 2014ئَ کانود ایر کنوکیں ادارگ ئَ گوں ھوار رینجرز ، ایف سی ءُ اسلام آباد، گلگت بلستان پولیس ئَ ھوار دراھیں صوبہ آنی پولیس ئِ ورناھاں ناشرکاری ئِ گِرءُ دار کنگئِ ھاسیں تربیت دیئگ بیت۔ 2014ئَ چہ پیسر اے سینٹر کوئک رسپانس سینٹر گُشگ بوتگ۔ سینٹر ءِ کمانڈنٹ بریگیڈیئر ریاض ءُ کمانڈرون کورس لیفٹیننٹ جنرل عمر فاروق درانیئَ تہی کارانی وزیر ءَ را بریفنگ داتگ ءُ ھال داتگ کہ سینٹر ئِ تہا درملکی فوجی آناں تربیت دیئگ بیت ءُ اے سینٹر ءِ تہا ناشرکاری ئِ گِرءُ دار ئِ زانت کاریانی نوکیں ترز ئِ آسراتی اَست اِنت۔
