اسلام آباد۔ 9 فروری (اے پی پی) مزن وزیر محمد نواز شریف ئَ پنچ شمبے ئِ روچ ئَ مزن وزیر گس ئِ دیم ئِ چِڈ ءُ کشارانی تہا نہالے کشتگ ءُ سبزپاکستان ئِ مہمئِ بُنگیج کتگ کہ ایشی ئِ تہا سرجمیں ملک ئَ 10کروڑ درچک کشک بیت کہ اے ھوالگئَ بُنجاھ کم ءُ گیش 3ءُ نیم ارب کلدار دنت وھدے کہ اے مول ئِ ھاترئَ صوبہ ھم پیسہ دیئنت۔ اے موھئِ سرئَ دیمپانی ئِ بجاھی وزیر خواجہ محمد آصف ، کانود ئِ ووزیر زاہد حامد، مزن وزیر ئِ سیاسی صلہ کار آصف کر مانی ھم سا ڑی بوتگ اَنت۔ مزن وزیر ئَ اے موھئِ سرئَ ھاسیں زھگاناں ھم توار جنگ بوتگ۔ نہال کشک ئَ پد گپ ءُ تران کنانئَ مزن وزیر ئَ گشتگ کہ مرچی آئی ئَ ھاسیں زھگانی گوما گندءُ نند ھم کتگ، آھانی گوماگندءُ نندکنگئَ آئی ئَ را وشی رسیتگ ۔ مزن وزیر ئَ گشتگ کہ مرچی سبزیں پاکستان ئِ روچ اِنت، اللہ تعالیٰ ئِ فضل ءُ کرم ئَ چہ ھمک سال اے روچ دارگ بیت۔ ملکی راج دپتر ئِ تہا ھمک سال9فروری ئَ درچک کشک ئِ ھوالگئَ ھاسیں رو چے دارگ بیت۔
