اسلام آباد۔09 فروری ( اے پی پی) مز ن وزیر محمدنواز شریف ئَ فاٹا اصلاحا ت پیکیج ئِ تہا مھتلی ئِ ھوالگئَ باشوگوآناں دروگ گشتگ ءُ گشتگ کہ فاٹا اصلاحات پیکیج کابینہ ئِ آﺅکیں اجلاس ئَ پیش کنگ بیت ۔ پنچ شمبے ئِ روچ ئَ مزن وزیر کارگس ئَ سبزپاکستان مہم ئِ بندات ئِ موھئَ صحافی آنی گوما گپ ءُ تران کنان ئَ مزن وزیر ئَ گشتگ کہ آئی ئِ پنتءُ سوجانی سرئَ سلیکٹ کمیٹی ئِ فا ٹا ئِ در اھیں ایجنسی ئِ ترءُ تاباں ھوار درسیں باسکاں گوں الکاپی ءُ دلجمی ئَ شور ءُ صلہ کنگ بوتگ۔ آئی ئَ گشتگ کہ حکومت ئَ فاٹا ئِ اُلس ئَ را و ت واک کنگئِ ھاترئَ تپاکیں شور ءُ صلہ کنگئِ ھاتر گامگیج چست کتگ۔ اے ھوالگئَ دراھیں باشوگوآناں دروگ گشتگ۔
