اسلام آباد۔ 09 فروری( اے پی پی ) مزن وزیر محمد نواز شریف ئَ گشتگ کہ درملکی زرکار زرکاری ئِ جوانیں چاگردءُ پاھدگاں چہ پاھدگ چست بکن اَنت، دیم روئی ئِ ھاترئَ بازیں جوانیں گامگیج چست کنگ بوھگءَ اِنت ، چائنہ پاکستان اقتصادی راہداری ئَ چہ خطہ ئِ تہا معاشی سُرءُ پرانی تہا گیشی بیت، چین ءُ وسطی ایشیا ریاست آنی گوما نزیکی کنگئَ کمک رسیت۔ پنچ شمبے ئِ روچئَ درملکی کارپوریٹ لیڈرز ءُ میاں اوستمانی کمپنی آنی چیف ایگزیکٹوز افسرانی گوما تران کنانئَ مزن وزیر محمد نواز ئَ آھاں حکومتئِ زرکاری ئِ پالیسی ءُ پاکستان ئِ تہا زرکاری ئِ جوانیں موھاں چہ سرپد کتگ۔ آئی ئَ گشتگ کہ وھدے کہ مہ حکومت سنھبال ایتگ آ وھداں پاکستان مالی پدمنتگی ئِ آماچ بوتگ، افراط زر ایکسچینج ریٹ ءُ دیمپانی ئِ جاورھال سک ناگینگ بوتگ اَنت۔ مالی مدمنتگی ئَ ابید ھم مے حکومت ئَ معیشتئَ را مھکم کتگ، مہ پیسر میکرواقتصادی ئَ را گہتر کتگ ءُ بازیں کش ئُُ چیل ئَ ابید ئَ مہ سوب مند بوتگ اَنت کہ ایشی ئِ نتیجگ ئَ پاکستان ئِ معاشی جاورھال باز گہتر بوتگ اَنت۔ 2013ئَ چہ پیسر جی ڈی پی گروتھ ئِ شرح3درسد بوتگ کہ انوگیں سال ئِ تہا 5.5درسد بوھگئِ امکان اِنت ۔ گوستگیں سے سالانی تہا ما بازیں گامیگجے کتگ کہ ایشی ئِ مول ءُ مراد مھکمیں اقتصادی دیم روئی اِنت۔
