اسلام آباد۔ 08 فروری (اے پی پی) صدر مملکت ممنون حسین ئَ گوشت کہ پاکستان ئُُ اوگانستان ئَ را اے بابت ئَ سک باز چار ئُُ بچار کنگی اِنت، ھما چیز کہ ناچاکی ئَ را گیش ودینگ ئَ اِنت، آ نیمگ ئَ شر دلگوش کنگی اِنت۔ منا اوگان راج ئُُ آئی رھشونی ئِ سر ئَ دلیکیمی اِنت، آ توکی ئُُ ڈنی پندل آناں ناکام کنگ ئِ ھاترا توامیں رنگ ئِ جہد ئُُ کوشست ئَ کن اَنت۔ پاکستان اوگانستان ئَ را دیمروئی ئُُ وشھالی ئِ موہ دیگ ئِ ھاترا گوں پچیں دل ئَ واھشت ایگ اِنت ئُُ اوگان پاگواجئی، اُلس ئُُ ھاسیں رنگ ئَ ورنا زمانگ ئِ لوٹ آنی رد ئَ وتی راجدپتری کرد ئَ الم پیلو بکن اَنت۔ آ چار شمبے ئِ روچ ئَ پاک چائنہ فرینڈ شپ سنٹر ئَ ہائیر ایجوکیشن کمیشن ئِ نیمگ ئَ چہ اوگان نودر بر آناں سئے ھزار سکالرشپ دیگ ئِ بابت ئَ مراگش ئَ گوں گشتانک دیان اَت۔
