اسلام آباد۔ 08 فروری (اے پی پی) محکمہ موسمیات نا رداٹ چارشنبے آ غٹ آن کم درجہ حرارت سکردو ٹی منفی 10 ڈگری سینٹی گریڈ سلیس وخت اس کہ پاراچنار منفی 8، استور منفی 7، قلات، گوپس، چترال منفی 6، کالام، دروش، مالم جبہ منفی 4، بگروٹ، دیر منفی 3 و ژوب منفی 2 ڈگری سینٹی گریڈ ریکارڈ کننگا۔ رپورٹ نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلک۔ ولے مالاکنڈ ، ہزارہ ، راولپنڈی ڈویژن ، اسلام آباد، کشمیر و گلگت بلتستان اٹی مطلع ابر آلود سلنگ تون گڑاس ہند آتیا ہلکا پر و مش تیا ہلکا برف باری نا گمان ئِ۔ گدرینگوک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلیس ولے کالام اٹی اسہ ملی میٹر پِر و استور اٹی 2انچ برف باری ریکارڈ کننگا۔
