اسلام آباد۔ 08 فروری (اے پی پی) جہانی ادارہ پناہ گزین یو این ایچ سی آر پاکستان اٹی رہینگوک رجسٹرڈ اوغان مہاجر آتے پارت کرینے کہ او پنچ سال آن کم وئی چناتا رجسٹریشن ئِ 28 فروری اسکان کرفیر۔ یو این ایچ سی آر نا نمائندہ آفریدی اے پی پی تون ہیت وگپ کرسا پارے کہ پاکستان اٹی رہینگوک رجسٹرڈ اوغان مہاجر آتا 5سال آن کم وئی چناتا رجسٹریشن نا چرجوئی برجاہ ئِ۔ رجسٹرڈ اوغان مہاجر ہرافتا چناتا وئی 5سال آن کم ئِ و اوفک تینا چناتا رجسٹریشن ئِ کرفتنو اوفتے پارت کننگک کہ او 28 فروری آن مست وی آر سی سنٹر اٹی وطن آ پدی ہِننگ آن مست مشکل آتیان بچنگ کن رجسٹریشن المی کرفیر تانکہ اوفتے وطن آ پدی ہِننگ نا وخت آ 400 ڈالر یو این ایچ سی آر نا کنڈآن مالی امداد تننگ مرے۔ اوپارے کہ رجسٹرڈ اوغان مہاجر آتا پدی ہِننگ نا عمل یکم مارچ آن دُوارہ بناءکننگ انگ ئِ ۔
