اسلام آباد۔ 08 فروری (اے پی پی) آپریشن ضرب عضب آن زہمی مروک آ فاٹا نا بے اُرا بندغ آتیٹی ہند آتا معاوضہ جاٹ نا بشخ وپانٹ نا چرجوئی برجاہ ئِ۔ داوخت اسکان 14ہزار 335ہند آتا معاوضہ 3ارب 67کروڑ 21لکھ 60 ہزار روپئی بشخ وپانٹ کننگانے۔ فاٹا آر آر یو نا کمامدارآتارداٹ آپریشن ضرب عضب اٹی زہمی مروک آ فاٹا نا بے اُرا بندغ آتیٹی معاوضہ جاٹ نا بشخ وپانٹ نا چرجوئی برجاہ ئِ داوخت اسکان فاٹا نا آپریشن آن زہمی علاقہ غاتیٹی 14ہزار 335ہند آتا معاوضہ بشخ وپانٹ کننگانے ہرافتیان مسہ ہزار 132ہند پوروی وڑاٹ بھس وخت اس کہ 11ہزار 203ہند جزوی وڑاٹ زہمی مسنو ہرافتا معاوضہ 3ارب 67کروڑ 21لکھ 60 ہزار روپئی داوخت اسکان بشخ وپانٹ کننگانے۔ کمامدارآتارداٹ آپریشن آن زہمی علاقہ غاتا سروے جاری ئِ وخت اس کہ پوروی وڑاٹ بھس مروک آ ہند آتا معاوضہ 4لکھ روپئی وخت اس کہ جزوی وڑاٹ زہمی مروک آ ہند آتا معاوضہ اسہ لکھ 60 ہزار روپئی تننگ انگ ئِ۔ کمامدارآک پاریر کہ آپریشن آن زہمی مروک آ ہند آتا معاوضہ اُرا اُرا سروے آن پد تننگ انگ ئِ اسہ ہم زہمی اُراسے نا مالک اس بیدس معاوضہ غان سلپک۔
