اسلام آباد۔ 07 فروری (اے پی پی) بُنجاھی کابینہ ئَ پارلیمانی کمیٹی برائے گچین کاری چست ئُُ ایر ئِ سپارش آنا منظوری دیگ بوت ایش آیوکیں ماہ ئَ بل ئِ رنگ ئَ پارلیمنٹ ئَ پیش کنگ بنت ایشی ئِ چیر دستی ئَ الیکشن کمیشن ئَ را انتظامی ئُُ مالی وت مستری دیگ بیت، گچین کاری گروکیں مردم آناں گیش کنگ ئِ بابت ئَ چار ئُُ بچار مردم شماری ئَ پد کنگ بیت۔ کابینہ ئَ ورکنگ باﺅنڈری ئِ سر ئَ بھارت ئِ تیر گواری ئَ چہ شہید بوتگیں مردم آنی سیاد ئُُ وارس آناں 5لکھ کلدار ئُُ سک باز ٹپیگ بوتگیں مردم آناں دو لکھ ئُُ پنجاھ ھزار کلدار دیگ ئِ ھم منظوری ھم دات۔ اوگان لڈ ئُُ بار کتگیں مردم آنی رجسٹریشن ئِ کار دسمبر 2017ئَ تاں سرجم کنگ بیت ئُُ سیم سر آنی سر ئَ امیگریشن کانود ھم جنگ بیت۔ اے گپ سئے شمبے ئِ روچ ئَ بُنجاھی کانود ئِ وزیر زاہد حامد ئُُ وزیر ئِ مملکت برائے اھوالکاری ئُُ شنگ کاری مریم اورنگزیب ئَ بُنجاھی کابینہ ئِ دیوان ئَ پد اھوالکار آناں بریفنگ دیان ئَ گوشت اَنت۔ وزیر ئِ مملکت برائے اھوالکاری ئُُ شنگ کاری مریم اورنگزیب ئَ گوشت کہ سرجمیں ملک ئَ 46نوکیں ہسپتال زوت ئُُ ایمرجنسی جوڑیشتی رنگ ئَ بنائینگ بوھگ ئَ اِنت۔ بُنجاھی وزیر زاہد حامد ئَ گوشت کہ بُنجاھی کابینہ ئَ پارلیمانی کمیٹی برائے گچین کاری چست ئُُ ایر ئِ سپارش آنی منظوری داتگ اے سپارش کمیٹی ئَ گوں تپاکی شور ئَ رد ئُُ بند داتگ اَنت ، اے سپارش آناں کابینہ ئِ منظوری ئَ پد ایکٹ ئِ رنگ ئَ پارلیمنٹ ئَ پیش کنگ بنت۔
