اسلام آباد۔ 07 فروری (اے پی پی)صدرمملکت ممنون حسین ئَ ڈکھ ایگیں بنی آدم آنی اِزمت کنگ ئِ بابت ئَ زور پر دات ئُُ گوشت کہ اے ایوکی اِزمت ٹولیگ ئَ مٹ بنت ئُُ گیش نتیجگ دیم ئَ کئیت، ھُدا ئِ بندگ آنی اِزمت کنگ ئِ ھاترا پاکستان ئَ مالی مڈی مھکمیں رنگ ئَ دیم ئَ اِنت ئُُ اے رد ئَ میاں اوستمانی پڑ ئَ پاکستان ئِ درجگ سک باز بُرز ئُُ بالا اِنت۔ آئی ئَ اے گپ سئے شمبے ئِ روچ ئَ اِدا نیشنل یونیورسٹی آف سائنس اینڈ ٹیکنالوجی (نسٹ) ئَ پاکستان سینٹر فار فلن تھراپی ئِ چیر دستی ئَ ”انفرادی فلن تھراپی“ رپوٹ ئِ مراگش ئِ بنگیج ئَ گوں تران کنان ئَ آئی ئَ گوشت کہ چاگرد ئَ گہبودی ئُُ جوڑیشتی چست ئُُ ایر اے وڑ ئَ دیم ئَ جنزان کُت کن اَنت، اگاں ریاست ئُُ جندی شوبگ یک ئِ دومیگ ئِ سر ئَ یکیم ئُُ یک ئُُ دگر ئَ کوپگ دیان ئَ کار بکن اَنت۔ آئیئَ اے گپ ئِ سر ئَ زور پر دات کہ اگاں اُلس اے درگت ئَ وتارا زمہ وار بہ پھم اَنت ئُُ ٹیکس کلچر ئَ را دیمروئی بدینت ئُُ ایشی ئَ چی چست بوتگیں برورد سرکاری پڑ ئَ گہبودی چست ئُُ آناں دیمروئی رسیت ئُ پاکستان ئَ را گہبودی ریاست جوڑ کنگ ئِ واھشت زوت برجم بیت۔
