چمن اٹی روغانی روڈ آ سیکورٹی فورس آتا گاڈی نا خڑک دھماکہ، 2کارندہ غاتون اوار 4بندغ ٹھپی مسر، ڈپٹی کمشنر چمن قیصر خان ناصر

چمن۔ 07 فروری (اے پی پی) چمن اٹی روغانی روڈ آ سیکورٹی فورس آتا گاڈی نا خڑک دھماکہ، 2کارندہ غاتون اوار 4بندغ ٹھپی، ڈپٹی کمشنر چمن قیصر خان نا رداٹ سے شنبے آ روغانی روڈ آ واقع تبلیغی بنجا ناخڑک روڈ آ اسہ پول اسے نا کیرغ اودیم کروک آ ریموٹ کنٹرول بمب ئِ ہمووخت آ دھماکہ اٹ ترخفنگا ہراتم روڈ انا خرک سیکورٹی فورس آتا گاڈی گدرینگاکہ، دھماکہ ٹی سیکورٹی فورس آتا اِرا کارندہ محمد کاشف و رحمت اللہ ٹھپی مسر وخت اس کہ دھماکہ نا مون اٹی بننگ آن رکشہ ٹی سوار اِرا بندغ ہم ٹھپی مسر۔ ٹھپی تے دمدستی وڑاٹ سول ہسپتال چمن آ گدریفنگا ہراڑے ٹھپی تا حالیت خلیس آن پیشن پاننگ انگ ئِ۔ سیکورٹی کمامدارآک دھماکہ نا جاست وپاست نا بنائِ کرینو۔