کوئٹہ۔ 07 فروری (اے پی پی) الیکشن کمیشن بلوچستان صوبائی اسمبلی نا نشست پی بی ۔7زیات نا ضمنی الیکشن نا اڈتننگ کن محمد جاوید خان ریجنل الیکشن کمشنر سبی ئِ ڈسٹرکٹ ریٹرننگ آفیسر، محمد احسان ڈسٹرکٹ الیکشن کمشنر سبیئِ ریٹرننگ آفیسر و تحصیلدار زیات و اسسٹنٹ کمشنر سنجاوی ئِ اسسٹنٹ ریٹرننگ آفیسر مقرر کرینے۔ الیکشن کمیشن آف پاکستان نا اعلامیہ نا رداٹ صوبائی اسمبلی نا حلقہ پی بی۔7 زیات ہراکہ باسک صوبائی اسمبلی حاجی گل محمد دمڑ نا کزیت آن پد خورک گوندنگاسس کن ضمنی الیکشن نا پروگرام نا پڑو کننگانے ہرانا رداٹ دا بابت 9 فروری 2017آ ریٹرننگ آفیسر نا کنڈآن پبلک نوٹس نا جاری کننگ آن پد 13فروری آن 15فروری 2017ءپندار کاغد جمع کرفنگ 16آن 18 فروری 2017ریٹرننگ آفیسر نا کنڈآن پندارکاغد آتا جانچ پڑتال 22فروری ریٹرننگ آفیسر نا کنڈآن پندار کاغد امنا/مسترد کننگ نا برخلاف اپیل دائر کننگ، 25فروری تحصیلدار نا کنڈآن اپیل آتیا فیصلہ 26فروری پندار کاغد آتے پدی ہلنگ، 27 فروری اومیت دار آتا نظرثانی شدہ فہرست نا اشاعت کن آخریکو تاریخ آتے مقرر کننگانے وخت اس کہ 22مارچ 2017 ہندا حلقہ ٹی پولنگ نا تاریخ مقرر کننگانے۔
